Хамтдаа Нэг Шүлэг Тэрлэх үү?

Хүн болгон өөр өөрийн гэсэн баримталдаг зарчимтай (Би л зарчим гээд бгаа юм шүү, мөрдлөгө ч гэж болно). Дотроо л бодож, өөрийгөө л хурцалж явдаг болохоос биш тэдгээр зарчимуудаа тэр болгон ил гаргаад байдаггүй. Яахав ойр дотныхоо хүмүүстэй хуваалцаж байгаа байх л даа, гэхдээ бүгдэд хараахан хүрч чадахгүй байна. Тэгэхээр хүн бүрийн тэр олон сайхан зарчмуудыг нэгтгэж нэг шүлэг болгон олонд хүртээлтэй болгож чадах юм бол гүэй мөн ч их хэрэгтэй эд болно доо. Зарчим бол товч бөгөөд тодорхой байдаг (жишээ нь би тийм хүн байхыг хүснэ, би ийм зантай байхыг боддог, би тэрийг тэгэж үздэг гээд л), тэгэхээр шүлэг л хамгийн тохиромжтой хэлбэр юм байна.

Comfort Zone-оосоо л Гарчихмаар Байна

Нэг харахад миний амьдрал болоод л байгаа юм шиг - хийж сурсан ажил, илүү ч үгүй, дутуу ч үгүй мөнгө, тайван амьдрал, тавлаг орчин гээ л бүх юм дажгүй шүү. Нэг ёсондоо энэ амьдралын хэв маяг маань миний Comfort Zone болоод хувирчихаж. Comfort Zone гэж яг юуг хэлээд байна аа гэж хэн нэгэн асууж магад. Шууд үгчилж орчуулах юм бол дассан (заншсан, сурсан, тухтай) орчин гэх юм уу даа. Хоёрхон үгээр хөрвүүлэх гэхээр утгыг нь бүрэн илэрхийлж чадахгүй байгаа юм шиг санагдаад болдгүй. Та яг оносон үгийг нь мэдэж байгаа бол надад хэлээрэй. За даа энэ үгэндээ гол нь биш юм аа, хамгийн гол нь утгандаа.

Уйтгартай Амьдралаас Гарах Гол Гарц - Мөрөөдөл

Өчигдөр Revolutionary Road-ийг үзээд айхтар их юм эргэцүүлж боддог байна шүү хэхэ. Үнэхээр залуус бидэнд тохиолдож болох харахад энгийн хэрнээ, бидний амьдралыг ормонгоор нь эргүүлж болох ээдрээтэй нэгэн асуудлыг хөндсөн сүрхий кино болжээ. Энэ киног үзэхийг бүх андууддаа уриалж байна. Ялангуяа дөнгөж амьдралд хөл тавьж байгаа залуус дүү нартаа! Хүн болгон өөр өөрийн гэсэн хүсэл мөрөөдөлтэй. Зарим нэг нь гадаадад гарч амьдрахыг гол зорилгоо болгосон байхад, зарим нэг нь хөл хөдөлгөөнт хотын амьдралаас зайдуу бөглүүхэн хөдөө талд халуун ам бүлээрээ амьдрахыг туйлын их жаргал гэнэ. (Чойномын Жаргал Зовлон шүлэгрүү ороод явчихдаг байна шүү хэхэ).

Гэтэл амьдралын энэ их бэрхшээл нухчаан дунд бидний тэр гэгээхэн хүсэл мөрөөдөл бага багаар замхран алга болсоор, зүгээр л нэг хүүхэд насны бүтэшгүй, тэнэгхэн мөрөөдөл болон хувирчихаад байх шиг. Хэд нь яг мөрөөдөлдөө үнэнч байж, хүслийнхээ дагуу амьдарч байгаа бол оо? Харамсалтай нь маааш цөөхөн.

Нэг л мэдэхэд бүгд л яг нэг хэвэнд цутгачихсан юм шиг нэг хэвийн уйтгартай амьдралд. Цалингаас цалингийн хооронд, хэдэн өдрийн цаадхыг л ирээдүй хэмээн андуурч, үлгэн салган бор хоногыг тоолох шахуу өнгөрүүлсээр. Хамгийн аймар нь энэ уйтгартай амьдралд удах тусам, намагт шигдэх мэт гарах гарц улам бүр багасаж, эрх чөлөө, хүсэл мөрөөдөл маань тэр хариуцлага, мөнгө гэж айхтар зүйлээр хязгаарлагдаж, нэг л мэдэхэд авралын үүд ахиж онгойхгүй хаагдсан байна. Жишээ нь: Байр авлаа гэхэд та хэдэн жил зээлтэй хүлэгдэнэ гэсэн үг вэ ? Хүүхэд гарлаа та нэмээд бас хэдэн жил? Ажилгүй л бол бүх юм будаа болчих гээд хаашаа ч гарч чадахгүй хүлээсэнд орж байгаа биз?

Биднийг мөрөөдлөөс маань холдуулдаг бас нэг том асуудал бол - биднийг эргэн тойронд байгаа хүмүүс: гэр бүл, хамаатан садан, найз нөхөд, ажлын хамт олон, ажлын босс гэх мэт. Амьхандаа тэд Бидний төлөө гэж бодож саад болдог ч, үнэндээ тэд үзээгүй (мөрөөдлөө дагаж) болохоор л өөрсдөөсөө холдуулахгүй гэж хичээнэ. Би өөрийнхөө хүсэж мөрөөдөж байдаг зүйлээ хийлээ гэхэд зарим нь бүүр дооглонгуй аястай ч хүлээж авах нь элбэг. Хүүхэд наснааасаа салаачээ чи, жаахан бодитоор сэтгэ, насанд хүрсэн юм байж? гээд л ярьж өгнө шүү дээ.

Тэгэхээр андууд минь уйтгартай амьдрал хэмээх намагт амьдаараа шигдэхээс өмнө, хүсэл мөрөөдлөө дахин эргэцүүлж бодоорой. Өөрөө өөртөө бодох цаг сайн гарга, Гэр бүлтэй бол эхнэр/нөхөртэйгээ сайн ярилц. Би/Бид ер нь хаана явна аа? тэр уйтгартай нэг хэвийн амьдралд орчихож уу? эндээс гарах ямар арга зам байна? Би ер нь яг юу хүсдэг юм бэ? Ямар ажил хийхийг хүсдэг вэ? Ер нь юуг амьдралын учир утга гэж боддог вэ? гээд л бүх асуултын хариуг өөрөөсөө эрж хай. Хариултаа олж авсаныхаа дараа хүсэл мөрөөдлийнхөө төлөө тууштай тэмц, бат зогс, хэний ч нөлөөнд үл авт, чиний л амьдрал болохоор чи л өөрөө бүхнийг шийднэ.

За ингээд түр өндөрлөе, өнөөдөр толгой дүнхүүрээд ерөөсөө, үг үсэг холбож чаддаггүй ээ. Өчигдөр өглөө ажлаасаа буугаад унтсан, өдөржингөө унтчиж. Үг үсгийн алдаа харахын оронд гол утга агуулгыг нь барьж авахыг хичээгээрэй андуудаа. Бас миний санаа бүдэг гарсан байвал, засаж залруулж өгөхийг хичээнгүйлэн гуйя.

Амжилтанд хүрнэ гэдэгтээ бүрэн ИТГЭ !

Амжилт бол маш гайхалтай эерэг зүйл юм. Амжилт гэж хангалуун амьдрал: сайхан байшин, амралт, аялал, шинэ зүйлс, санхүүгийн эрх чөлөө, үр хүүхдүүдийнхээ ирээдүйг гэрэл гэгээтэй болгох хөшүүргэ юм. Амжилт гэдэг бол бусдын хүндлэлийг хүлээх, бидний ажил болон гэр оронд хүрээлэн байдаг хүмүүст үлгэр дууриалал болж, тэдний удирдагч нь болно гэсэн үг юм. Амжилт гэдэг бол эрх чөлөө: айдас, санаа зоволт, бухимдал, ялагдлаас ангижруулах эрх чөлөө юм. Амжилт бол өөрийгөө хүндлэх хүндлэл, амьдралаас илүү их аз жаргал, сэтгэл хангалуун байдлыг илрүүлэх түлхүүр, хайртай хүмүүстээ улам их зүйлээр туслах боломжийг олгодог алтан хаалга юм. Амжилт бол ялалт. Амжилт бол та бидний амьдралын зорилго юм. Хүн болгон амжилтанд хүрэхийг хүсдэг. Хүн болгон амьдралаас сайн сайхан бүхнийг авахыг хүсдэг. Харин хэн ч хоёрдогч "хэн-ч-биш" байхыг хүсдэггүй. Амжилтыг бүтээх хамгийн чухал зүйл бол итгэл. Итгэлээр уулыг хөдөлгөж болно.

Уулыг хөдөлгөж чадна гэдэгт итгэ, чин сэтгэлээсээ итгэ. Ингэж чаддвал чи зорьсондоо хүрэх болно. Харамсалтай нь тийм ч их хүн уулыг хөдөлгөнө гэдэгт итгэдэггүй. Үүний үр дүнд, тэд хүссэндээ хүрч чаддаггүй. Магадгүй зарим хүмүүс уулыг итгэлээр хөдөлгөнө гэдэг утгагүй хэрэг гэж бодож болох юм. Ингэж бодож байгаа хүмүүс үнэндээ итгэл, хүсэл хоёроо ялгаж чадахгүй байгаа хүмүүс гэсэн үг. Үнэхээр ч бидний хүссэнээр уул хөдлөнө гэж юу байхав, бидний хүссэнээр дарга болчихно гэж юу байхав, бидний хүссэнээр сайхан байшинтай болчихно гэж юу байхав. Гэхдээ, зөвхөн " итгэснээр" л чи уулыг хөдөлгөж чадна. Чи амжилтанд итгэснээр амжилтанд хүрч чадна. Үнэндээ итгэх хүч бол ямар ч ид шид, үл ойлгогдох далдын хүч биш шүү. За одоо хэдүүлээ итгэл бидэнд яаж нөлөөлдгийг доор тайлбараас үзэцгээе.

"Би эерэг, Би чадна" гэсэн үзэл амжилтанд хүрэх хэрэгцээт эрч хүч, мэдлэг, чадварыг гаргаж өгдөг байна. Чадна гэдэгтээ итгэсэн тохиолдолд, "Яаж-чадах-вэ?" гэсэн заавар, чиглэл нь гарч ирдэг аж. Олон сайхан залуучууд өнөөдөр шинээр ажилд орсон байх. Мэдээж бүгд л өндөрлөгт хүрэхийг "хүсэж" байгаа. Харамсалтай нь ихэнхи залуус маань итгэлгүйгээсээ болоод өндөрлөгт хүрч чаддаггүй талтай. Өндөрлөгт хүрэх боломжгүй гэдэгт итгэснээс болж хоромын цаах нь байсан гайхалтай өндөрлөгт хүрэх шатыг илрүүлж чаддаггүй. Энэ л үзэл тэднийг жирийн нэгэн "хэн-ч-биш" болгон хурвиргадаг байна. Харин цөөхөн хэдэн залуус амжилтанд хүрнэ гэдэгтээ чин сэтгэлээсээ итгэснээр хүссэн өндөрлөгтөө саадгүй хүрдэг юм. Тэд ажилдаа "Би өндөрлөгт хүрж явна" гэсэн үзлээр ханддаг бөгөөд ингэж хандсанаараа ч тэд хүссэн амжилтандаа хүрдэг ажээ. Эдгээр залуус амжилттай яваа дарга, удирдлагуудын үйл хөдөлгөөн бүрийг нь ажиглаж, зан авир, хандлагыг нь судалж, асуудал тулгархад яаж хандаж, хэрхэн шийдвэр гаргаж байгааг нь нэгд нэгэнгүй суралцаж авдаг байна.

Тиймээс дээр хэлсэнчлэн Би чадна гэдэгтээ итгэсэн хүн "Яаж-чадах-вэ" гэсэн заавар аяндаа орж ирдэг гэнэ. Өнөө цагт итгэл уулыг хөдөлгөхөөс илүүтэй маш том, гайхалтай зүйлсийг бүтээж байгаа билээ. Хэрэв огторгуйд хүн аялана гэдэгт итгээгүй байсан бол эрдэмтдийн урам, зориг, сонирхол нь мохож юу ч хийж чадахгүй байсан бизээ. Хорд хавдрыг эмчилж чадна гэсэн итгэл байхад л энэ өвчнийг анагаах арга гацаагүй олдоно. Итгэл гэдэг бол маш том хөдөлгөх хүч бөгөөд тэр олон гайхамшигт ном зохиол, урлагын бүтээл, шинжлэх ухааны нээлтүүдийг гаргахад гол нөлөө үзүүлсэн хүч юм. Итгэ, үнэхээр итгэ, тэр үед чи амжилтанд хүрч чадна, хүрэх ч болно.

Би амжилтанд хүрч чадалгүй унасан нэлээд олон хүмүүстэй таарч, ярилцаж байлаа л даа. Унасан бөхөд шалтаг мундахгүй гэгчээр өч төчнөөн шалтаг, шалтгаануудыг би тэднээс сонссон. Энгийнээр хэлэхэд тэдний уналт, ялагдлууд дараахи хэдэн тайлбаруудаар таглагддаг байна: "Үнэнийг хэлэхэд би эхнээсээ л бүтэхгүй байх гэж бодож байсан", эсвэл " Би ч бараг эхлэхээс нь өмнө азгүйтээд эхлэсэндээ" эсвэл "Энэ ажил маань бүтээгүйд би нэг их гайхаагүй" гэх мэт. "За яахав би оролдоод үзье л дээ, гэхдээ бүтнэ гэж бодохгүй л байна шүү" гэсэн бодол уналт, ялагдлыг авчирдаг. Үл итгэх бол яалт ч үгүй СӨРӨГ ХҮЧ. Хүн үл итгэж, эргэлзэж эхлэхэд эдгээр сөрөг хүчүүдийг өөхшүүлэх шалтаг, шалтгаанууд урган гарч ирдэг байна. Бүх уналт, ялагдлын гол үндсийг эргэлзэх, үл итгэх, тийм ч их хүсэхгүй байх үзлүүд тавьдаг байна.

Эргэлзээ, үл итгэх унахын шинж
Итгэл, эерэг бодол ялахын шинж

"The Magic of Thinking Big" - номноос хэсэгчлэн, өөрийн үгээр орчуулав.

Би ер нь хэзээ Монголдоо очих юм бол ?

Сая нэг андтайгаа мессенжердэж суусан чинь анд маань "чи хө хэдийгээр ирэх санаатай байна?" хэмээн энгийн хэрнээ, ярвигтай асуулт нэгийг тавив аа. Тэгсэн би "Харин л дээ, бодоод л байна" гэж хэлснээ "Сургуулиа төгсчөөд, хэдэн төгрөг цааш нь хийчээд, тэгээд боломж байвал мэргэжлээрээ хэсэг хугацаанд ажилчаад очдог юм билүү!?" гэж нэлээн бодлогшронгуй бас нэг бодлын эргэлзэнгүй хариулж байх юм. Урьд нь чинь бол нэг жилийн дараа эсвэл сургуулиа төгсөөд л шууд чавхдаад очино гэж ам бардам хэлдэг байлаа. Тэгэхээр яалт ч үгүй миний энэ хариултанд эволюци явагдсан байгаа биз? Тэгээд яахав угын юм хумны үзүүр, үндсийг олох гэж ухаж төнхдөг зангаа гаргаж ер нь яагаад би ингэж хариулах болсон шалтгаанаа өөрөөсөө хайж эхлэв ээ. Хараад байхад миний энд туулж өнгөрүүлж байгаа амьдрал, сурж мэдэж, үзэж харж байгаа зүйлсээс шалтгаалаад энэ хариултанд нэлээн өөрчлөлт орсон шинжтэй харагдаж байна. Жишээ болгож миний түүхийн хэдэн хуудсыг сөхөж үзэцгээе л дээ.